एकूण पृष्ठदृश्ये

शुक्रवार, ७ नोव्हेंबर, २०१४

सांग सांग भोलानाथ...

सांग सांग भोलानाथ, कमळ तरेल काय?
सेनेमध्ये फूट पाडून बहुमत मिळेल काय?

भोलानाथ घड्याळाची साथ लाभेल काय?
घोटाळ्यांच्या चौकशीत गजर होईल काय?

भोलानाथ भोलानाथ खरं सांग एकदा
विदर्भाचे वेगळे राज्य जमेल का रे यंदा?

भोलानाथ परवा आहे विश्वासाचा पेपर
विधानसभी पास होऊन वाटेन का मी साखर?

रविवार, २ नोव्हेंबर, २०१४

अ आ आफ़झल, ख ख खान

अ आ आफ़झल, ख ख खान
मी जुना दोस्त दे मला स्थान

प प पतंग मातोश्रीत उडे
द द दिल्लीत शहामामा नडे
घ घ घड्याळ, क क कावा
काका भ्रष्टवादी, तरि तुला हवा?

श श शाखा आशीर्वाद देते
न न नाथाची पंचायत होते
भ भ भटजी, स स ससा
गादीवर बसा नि खुदकन हसा

क क कमळ सत्तेवर डुले
व व वाघ्या जळफळ जळे
ग ग गाडी झुकझुक नाही
'केश्या' मेला हसे खोड गाणे गाई