एकूण पृष्ठदृश्ये

मंगळवार, ८ सप्टेंबर, २०१५

इंद्राणिच्या पाठी ...

इंद्राणिच्या पाठी, नवऱ्यांची यादी
भंगली समाधी, मारियांची

साद्य पती राजा दावतो नेणीव
नव्हती जाणीव, मागच्यांची

रोजपडे थोडा नात्यांचा उजेड
मिडियात झाड फॅमिलीचे

अनाडी राहिले ओरड करून
मिडीया, अर्नब, एनडीटिव्ही

"केश्या" म्हणे झाला देशाचा हा प्रश्न
विसरा दुष्काळ, महागाई

ओक्साबोक्शी हसावं...

ओक्साबोक्शी हसावं जीच्या पायी , अशा कविततेचे लफ़डे घेउन तू आलीस
हसलीस फक्त तुच्छतेने...
कचकन् चावा घेतलास माझ्या विडंबक असण्याचा
खिजवलंस... झुंजवलंस....हसलीस
च्यालेंजची भीती घालत माझ्याकडे
तुझी अताची पोस्ट कंपुबाजीवर, वाचतानाच फक्त हासताहेत
अताशा मी फ़िरकत नाही दिवेलागणीच्या वेळी
किंवा शोधतही नाही शब्द कुजबुजत्या समुहातले
वर वर, वर वर, वर वरच राहतो....
इथे तिथे... तिथे इथे

तुमचं ठाऊक नाही ...

आज व्यग्रतेतून थोडा वेळ मिळाला तेव्हा लक्षात आले की बरेच फुलटॉस चेंडू आपल्या हातून सुटले ...तरी हा चेंडू सोडवला नाही  ...

तुमचं ठाऊक नाही ,
पण शिक्रेटग्रूपच्या चर्चेकडे
माझे विषेशपणे लक्ष असते .
एखाद्याच्या चर्चेत बाहेरच्यांची माप काढण्याचे
प्रयत्नपूर्वक भान जेवढे जास्त जाणवते
तेवढा तो ग्रूप मला
अधिक लक्षणीय वाटू लागतो .
बहुतांश शिक्रेटग्रूप हे
बाहेरच्यांची सतत काहीतरी थट्टा करत असतात,
त्यामध्ये आपण शहाणे आहोत आणि बाहेरचा मूर्ख आहे ,
असे अंतस्थ म्हणणे गोवलेले असते .
एक साधं उदाहरण देतो
आपल्या भिंतीवर कुणीतरी येतो
आणि भिंतीवर काय असायला हवे
त्याचे उपदेश करू लागतो
जसे की ,
'' नावापुढे L लावा ''.
तेव्हा मला वाटतं की हेच म्हणणे
- नावापुढे L लावयची ही कल्पना छान आहे नाही
- मी असतो तर नावापुढे L लावले असते
अशा अनाक्रमक रचना करत सुचवता येईल की !
पण नाही ,
लोकांना अक्कल पाजळायची असते
आणि शिक्रेटग्रूप हा मानसीक रोग आहे
हे बहुतेकांच्या गावी देखील नसतं .
व्देषभावनेतून एखाद्या व्यक्तीविषयी
-फार काय आसपासच्या समाजाविषयी-
काहीबाही सुचणे ही सहज प्रवृत्तीच असते …
प्रश्न आहे तो आपले म्हणणे कसे
आणि कोणत्या चर्चेत सांगावे ह्याचा
जेणेकरून चोरूनवाचणाऱ्याला ते
आक्रमक / लादल्यासारखे वाटणार नाही .
सुचल्यानंतर ओपन ग्रुपवर किंवा आपल्या भिंतीवर मांडले तर
कटू वाटणारी गोष्ट देखील सांगता येते
This is nonsense असे म्हणण्या ऐवजी
Thank you for not making sense
असे जोडलेल्या हातांची दृक - जोड देऊन
सांगण्यासारखे सोपे आहे ते !
मात्र त्यासाठी इथल्या शिक्रेटग्रूपवर
सतत लक्ष ठेवणे अत्यंत गरजेचे असते .
आणि तरीही बाहेरच्याला
ते दर वेळी कळतेच असे नाही.
मुद्दा भान असण्याचा आहे ,

आधुनिकोत्तर साहित्यातील पहिलं पाउल...

आमची प्रेरणा Patilशेठची अफलातून कविताhttps://www.facebook.com/groups/576341029120570/permalink/768804886540849/ वाचून आम्हाला काही आधुनिकोत्तर लेखकू आठवले...

आधुनिकोत्तर साहित्यातील पहिलं पाउल...
..................................
संपादकांच्या गंडी चाटून
ठरवला जाणारा प्रस्थापित लेखक
सोबत प्रलोभनाची सुरनळी

चाकोरीबद्धतेची पाटी
साहित्यमुल्याच्या डोइवर
भादरलेला
प्रतीकात्मक संताप

व्यामिश्र निष्ठेचे जानवे
सोयिस्कर सव्य-अपसव्य
आणि आपद्धर्मात
खुंटीला...

संध्यानंद !
संध्यानंद !!
संध्यानंद !!!

- केश्या

कोणा कशी कळावी, कंपुत काय खोडी...

आमची प्रेरणा गेले काही दिवसातील घडामोडी आणि राजा बढे यांचे कुमार गंधर्व यांनी गायलेलं सुरेख गाणे "कोणा कशी कळावी..."
http://www.aathavanitli-gani.com/Song/Kona_Kashi_Kalavi

कोणा कशी कळावी, कंपुत काय खोडी
शिक्रेटग्रुपची ती असते अवीट गोडी

शोधून दांभिकांना
अचरट स्टेटसांना
भरवीत चर्चिलांची ही करमणूक थोडी

फेबुवरी फिरावे
टिंगल करित जावे
हासोनि चाललेली कंपुत छेडछाडी

दिसती अजाण साने
परि हे फितूर होणे
इथल्या प्रतिक्रियांची करतात ते चहाडी

पोचलेल्या बाबाची ही कहाणी तुम्हाला !...

"वा! सुंदर! " अस म्हटलं ग कोणी
वयस्कर माणसाची चळलेली वाणी
लंपट वाटतो जर तरुण असेल
कस ही बोललं तरी पुरुष फसेल
समजले आहे कटू सत्य ग हे मला
भीती माझी अशी कशी सांगावी मी तिला
कालौघात मध्ये नको कोमेजून जाऊ
स्टेटस टाकून सल्ला फेसाबुकी घेऊ
सांगायाची आहे कधीपासून ही मला...
पोचलेल्या बाबाची ही कहाणी तुम्हाला !

जेव्हा पाळी आलीये ...

प्रत्येकरात्री बायकोस उद्देशून एक स्वगत - भारतीय नवरे

जेव्हा पाळी आलीये
तेव्हाच पाळी आलीय म्हणून सांग
रक्त विस्कटलेलं नसताना
फक्त पॅडला फसण्याइतपत
मी नाहीये मूर्ख का बच्चा
अंग दुखत असेल तरच
अंग दुखतं म्हणून सांग
सर्वांगानं मी भरून आलोय म्हणून
हाडे थिजवत मला घडऊ नकोस देहउपास
दोन दिवसांच्या खाण्याने अजिर्ण्याइतका
मी नाही अद्याप संभोगोत्तम तृप्त
तुझ्या देहाचा रेडियो चोवीस तास भजन लावतो
हे खरंय
पण याचा अर्थ
मी जेव्हा- तेव्हा माळकरी असतो असे नाही
प्रामणिक रहा
मोकळेपणाने स्पष्ट काय वाटतं ते सांग
मी कम्युनिकेशनमध्ये पक्का आहे
संकेतशास्त्राची एबीसीडी मला अवगत आहे
तेव्हा जे काळजात आहे
ते थेट माझ्या काळजात ओत
मूड नसेल तरच मूड नाही म्हणून सांग
प्रत्येक रात्रीचे तेच काय घेऊन बसलीयेस ?
शिष्टाचार साजरा करण्यात कसलं आलंय सुख
एक आहे
पाठ करून झोपून जा
माझ्या मिठीत उशी
लाइट ऑफ कर
झोपेत ती माझी
आणि मग स्वप्नात...........

पोस्ट - फसवी पोस्ट आणि कंपूबाजी नाका...

"पोस्ट - फसवी पोस्ट आणि कंपूबाजी नाका"

पोस्ट चाळत बाहेर पडलो जुन्या भिंतींकडे
मास्तरांच्या भिंतीपाशी नजर आमची अडे
लिंक कॉपी , लिंक पोस्ट आधी करून टाका
आणि मग भागवू चला 'उठाठेवी' भुका!

पोस्ट - फसवी पोस्ट आणि कंपूबाजी नाका
कंपूबाजी नाक्यावरती NRI मारे हाका!

गॉसिपसाठी केंव्हापन आपन तयार हुतो
शिक्रेट ग्रुपमधल्या बाहेर बातम्या कोण देतो ?
भट म्हणे निलकुंड मेला दोन्हीकडे जातो!
आणि त्या भडविच्यांला पुळका सुद्धा येतो"

आमची साली कविता शब्द अश्लीलमधला
मादरxद लिहिवत नाही, म्हणून x टाकला
तुमची पण एक दिवस कंपूबाजी मारेल
एक दिवस तुमचा शब्द तुम्हालाच गाठेल!

नवी भिंत , नवी पोस्ट , आहुती देऊन टाका
उद्या आले अंगाशी तर वर करू खाका
पोस्ट - फसवी पोस्ट आणि कंपूबाजी नाका
कंपूबाजी नाक्यावरती NRI मारे हाका!

कोणास ठाऊक कसा...

कोणास ठाऊक कसा
शाळेत गेला ससा
सशाने पाहिली गीता
डोळा एकच मिटता
गुरुजी म्हणाले ‘मामेकमनुस्मर’
ससा म्हणाला ‘णो Sir !‘

कोणास ठाऊक कसा
“Member” झाला ससा
Madam ने दिला number
सशाने फिरवला झरझर
Message आला “Welcome !”
ससा म्हणाला ‘सांगा रेट!’

कोणास ठाऊक कसा
शीक पडला ससा
सशाने गाठला Doctor
औषध एक अक्सर
Doctor म्हणे “गाईची सू”
ससा म्हणाला सेम्टू यू !

कोणास ठाऊक कसा
Radioत गेला ससा
Radio त होतेच “ते”
वसकन म्हणाले ‘नमस्ते !’
ऐका म्हणाले "मन की बात"
ससा म्हणाला ‘Report card ?’

कोणास ठाऊक कसा
कंपुबाजीत घुसला ससा
ससुलें अपुलें भोळें
जिभल्या चाटती कोल्हे
वर म्हणाले ‘ख़बरदार…
ओरडशील तर करू "सरात्कार !’

आम्ही चोकरं चोकरं या एस एची लेकरं...

आम्ही चोकरं चोकरं या एस एची लेकरं
या सेमीफायनलित ठरली अमुची हार

या अमुच्या खेळावर सदा आभाळाचा जर
या कणखर संघावर इतिहासाची झालर
त्याच्या मनात मनात नांदतेया ती हार

आल्या बरसाती घेऊन मेल्या डकवर्थाची धून
त्या रंगल्या खेळावर घातले विरजण
पोचण्या फायनल ठरलोया बेकार

परदेश दर्शनला अनि जायाचं नि जायाचं जायाचं...

खास Bhatशेठ आणि Nimbalkarशेठ साठी फक्त कंपूबाजी वर सादर आहे केश्या मेल्याच भारुड...

परदेश दर्शनला अनि जायाचं नि जायाचं जायाचं
( आता लगीच काय ? ..... लगीच लगीच )

परदेश दर्शनला अनि जायाचं नि जायाचं जायाचं
( आम्ही येणार ! )

अरे आनंद भक्तांत माझ्या ..... अरे चीनला ?
अरे आनंद भक्तांत माझ्या ..... मंगोलिया ? ..... साउथ कोरिया राहिलीये
अरे आनंद भक्तांत माझ्या ..... अरे बाबा शिंगापूर ..... (हा तिकडंच जाऊया आपलं !)

अरे आनंद भक्तांत माझ्या माईना रे माईना
आनंद भक्तांत माझ्या माईना

गेलो शियानपुरी थेट दिली टेराकोटा भेट
या या सेल्फीची भूक काही जाईना
अरे आनंद भक्तांत माझ्या माईना

गोगल सावळं सुंदर गोजिरवाणं हे मनोहर
नजरेस आणिक काही येईना
अरे आनंद भक्तांत माझ्या माईना

जगफिरतीचा हा खेळ खेळे पंतप्रधान केवळ
विदेश मंत्रिणीला खेळ खेळू देईना
अरे आनंद भक्तांत माझ्या माईना

कंपुबाज केशा दंग करी भारुडी अभंग
या विडंबनाची हौस पुरी होईना
अरे आनंद भक्तांत माझ्या माईना

हे दळण तुझे की कथन खुळे ?...

ऑफिसमध्ये कंटाला आला होता म्हणून कंपूबाजी उघडले कानात गदिमांची जुनी गाणी (http://www.aathavanitli-gani.com/Song/He_Vadan_Tujhe_Ki) लावली होती... पहिलीच चर्चा वाचली आणि नेहमी प्रमाणे एका चांगल्या गाण्याची वात लागली ...

हे दळण तुझे की कथन खुळे ?
का स्टेटस वाचुन कंपू चळे ?

रंजन झाले खूप आजवर
वदन जणू हे असभ्य घागर
फेसबुकि तव रूप मनोहर-
कंपूबाजी वर झळकले

कुठे मित्रांचा मेळा लपला ?
बघेच उरले, म्हणले "मि तिला"
यासाठी हा उपाय सुचला
फ्रेंड ओनली सेटिंग भले

बघा टीपीचा सोर्स मुकला !
कंपूबाज हा विवेक वदला
मतकरी तो, अन हा निखल्या
हलकट "केश्या" काव्य वळे

नवसागर भारत होवो, दिनरात झिंगुनी राहो

कवीश्रेष्ठांचे मनोगत ...

नवसागर भारत होवो, दिनरात झिंगुनी राहो

हे रांजण वरि बांधियले, अग्नीला खालून दिधले
मद्यार्क आत हे उरले, मी सिद्ध भरायाला हो

पिंपास रोज सजवीन, सर्वस्व त्यात अर्पीन
मदिरा शुद्ध गाळीन, या बंधु पिण्याला या हो

हातांत ग्लास घेऊन, ग्लासास ग्लास जोडून
चिअर्सचा मंत्र जपून, या कार्य करायाला हो

करि दिव्य बाटली घेऊ, प्रिय मदिरागीते गाऊ
विश्वास पूर्ण ती रीचवू , घरि आज निजपदे जाहो

या उठा करू हो शर्थ, संपादु दिव्य पुरुषार्थ
हे पेय न जावो व्यर्थ, सरकारमन्यता होवो

हे मद्य थोर होईल, वैभवे ब्रांड वाढेल
जगतास मान्य देईल, तो सोन्याचा दिन येवो

असे असे करायाचे ?...

असे असे करायाचे ?
करायाचे आहे मला

लागतात गाड्या जवा
व्हरांड्यात व्हरांड्यात
सोडायाची आहे हवा

करायाचे
कुठे ? कुठे आणि केव्हा ?
कसे ? आणि कुणापास ?
इथे साऱ्या कंपूलाहा
सेमिचावट येतो वास

कुणि जाल का, सांगाल का, सुचवाल का त्या चालका ?...

डमीनतै च्या हस्ते श्री श्री सेमिचावट Upadhyeशेठ ह्यांच्या चरणी अर्पण

कुणि जाल का, सांगाल का, सुचवाल का त्या चालका ?
गाडी इथे लावू नको, वाचून घे अमुचा फळा

आधीच निघण्या देर ही आम्हास होती जाहली
त्यात आता दार अडवुन देत गाडी थांबली
कार पार्किंगचा असा हा त्रास होऊ लागला
आताच कंपूने मला हा तोडगा जालिम दिला

पंक्चराया चाके ड्रिलाला मी जसे हे घेतले
इतक्यात मेली वाजली त्या चालकाची पाउले
सांगाल का त्या चालका, की पार त्यांची फाटली
आणि काही बोलण्या आधीच गाडी काढली

'गे' 'ले' 'ते' अन 'सगळे'!...

मनाजोगता निकाल मिळता भरले त्यांचे डोळे
एकमेकां असे चुंबिले
'गे' 'ले' 'ते' अन 'सगळे'!

इंद्रधनुचा बांधुन झेंडा गच्चं-आलिंगित झाले
परस्परांनी दिले-घेतले
'गे' 'ले' 'ते' अन 'सगळे'!

हरितकेशरी निळेजांभळे पीतलाल हे ल्याले
अनेकांनी चित्र बदलले
'गे' 'ले' 'ते' अन 'सगळे'!

फेसबुकीचे हे देखावे बघुनी "केश्या" बोले
नवनव चाळे रोज चालले
'गे' 'ले' 'ते' अन 'सगळे'!

मज रोजच कानी भ्रमर सांगतो काही...

मज रोजच कानी भ्रमर सांगतो काही
मी गुनगुन ऐकुनी लिहिती होते बाई

तो वदलासी मज गोड येऊनी कानी
प्रतिभेचे अगणित पराग दे फुलराणी
सांगते तुम्हा 'हो असेच सुचते' बाई

जे लिहू नये ते लिहिले कवयत्रीने
हे कोलीत शोधून अणले शर्मिलेने
कंपूत अचानक थरार सुरु हा होई

झाली गहाल बुद्धी शहाची...

झाली गहाल बुद्धी शहाची
गोळी दिली पंचवीस वर्षाची

हाळी अच्छे दिनाची ह्यो देईल
असे सत्तेत कमळास आणील
जस बोलेल, तसं न चालेल
जुमलेबाजी आहे सांगायची

त्यांची आहे रीत चोरटी
गूज झाकून ठेवील पोटी
अस चुकून येतंय ओठी
हाय लागल ह्याला जनतेची

माझ्या पोस्टीची हि धिंड त्यांनी काढली....

आमची प्रेरणा कंपूबाजी वरील 'कोलगे'ट प्रकरण...

गुप्तजनांचे, स्क्रीन शॉटनी, गुपित फ़ोडिले या हो
क्लोज ग्रुपातील रंगली चर्चा, देते वाचा हो !

माझ्या पोस्टीची हि धिंड त्यांनी काढली
कशी कंपूबाजी थट्टा पहा चालली !

जालावरी निर्मळ होतं फेसबुक गाव
सुखी समाधानी होतं रंक आणि राव
तेथे लेखनांन माझी किर्ति वाढली
कशी कंपूबाजी थट्टा पहा चालली !

अशा गावि होत्या एक लेखिका ज्वलंत
प्रस्थापित म्हणती त्यांना, कुणी नामवंत
त्यांना 'मनातले' पोस्ट हाती लागली
कशी कंपूबाजी थट्टा पहा चालली !

मस्करी करावी इच्छा लेखिकेस झाली
मजेसाठी पोस्टमाझी कंपूबाजी नेली
मस्ती मूड मध्ये कंपूबाजी पेटली
कशी कंपूबाजी थट्टा पहा चालली !

पिसाळलेल्या कंपूने त्या थयथयाट केला
उडवण्या खिल्ली सारा ग्रूप गोळा झाला
त्यांनी लाज-भीड-नीती सारी सोडली
कशी कंपूबाजी थट्टा पहा चालली !

हितचिंतकाच्या पायी समाजाला डाव
टोळक्यात ओळखीचे हि सापडल नाव
त्याला ट्यागची हि दोरी मी बांधली
कशी कंपूबाजी थट्टा पहा चालली !

खुळी मला कळला नाही, मुळी त्याचा खेळ
मनोभंग झाला माझा, मित्र ठरी फोल
त्याला लाज गावा मध्ये मीहि आणली
कशी कंपूबाजी थट्टा पहा चालली !

फेसबुकी फसगत झाली, तिचा हा तमाशा
जळुनिया गेली होती लिहायची इच्छा
पण काही मित्रांनी समजूत काढली
कशी कंपूबाजी थट्टा पहा चालली !

याची जाली त्या साऱ्यांना दावले मरण
स्क्रीनशॉट करूनी उघडे रचिले सरण
त्यांच्या कर्मसोहळ्याची यात्रा चालली
कशी कंपूबाजी थट्टा पहा चालली !

'L' केशवसुमार

बुधवार, २४ जून, २०१५

मी फसले ग फसले...

मी फसले ग फसले
तरीही बचावले

किती 'ललित' तो साधा भोळा
मी ओळखिले 'माणुसकी'ला
माझे मन कोणा ना कळले

जे गुपचुप होते केलेले
ते अवचित सामोरे आले
सारेच उफराटे घडले

आज एसिबी मम घरात आले...

आज एसिबी मम घरात आले
त्यास पाहुनी छगन हासले

आज माझिया 'सदन'घरांनी
मिडीयापुरी गेली भरुनी
परदेशांतिल ते सर्व विसरले

ज्या पक्षाच्या कणाकणांतुन
भरून राहिले हे 'साधे' पण
'फुले' विकून मी सर्व कमवले

कावा कावा अखंड रडूया...

कावा कावा अखंड रडूया
बामणी बामणी मुखे म्हणूया

युगपुरुष्यांची महात्मांची
उभी आडवी गुंफून नावे
पुरोगामी हे असल्याचे
जाळे विणिले खुप सरावे
एसेमेस तो बेनामी पहिला
वादारंभी त्यास स्मरूया

दाभोळकर अन पानसरेंचे
सनातनीच हे खुनी सांगे
फेकून वाक्ये वादग्रस्त ही
प्रसिद्धिच्या धावे मागे
धर्मांतर हा काढून मुद्दा
टिआरपीस या उंच करूया

करद्वयीच्या नाचावरती
मनघडीत ते मुद्दे मांडा
ओरडुनिया लोकांवरती
उरलीसुरली लाज सोडा
हिंदुत्वाचा दावित बडगा
सिक्युलरत्वाचे सूत्र धरूया

विदेशीच्या पिणाऱ्याला चढते ना फार ...

विदेशीच्या पिणाऱ्याला चढते ना फार
तोड नाही ओल्डमंका, ब्रांड खरा थोर

बालवयी चोरून प्यालो, तारुण्य झिंगले
वृद्धपणी घेतो आता फक्त पेगचार

डान्सबार नको मजला, नको फायुस्टार
नको चकण्याचा हि तो व्यर्थ भडिमार

चलाचला प्यायला हो जाहला उशीर
'ओल्डमंक' 'ओल्डमंक'.. ब्रांड खरा थोर

अर्थ"पूर्ण भासे मज हा घोळ कायद्याचा...

अर्थ"पूर्ण भासे मज हा घोळ कायद्याचा
कोर्ट न्याय निती सारा खेळ कल्पनेचा

वर्ष फक्त तेरा सरुनी निकालास द्यावे
बेल त्यावरी पण सत्त्वर सीलबंद व्हावे !
सर्व फार्स मज हा दिसतो न्यायमंदिराचा

हायकोर्ट लोभे त्याला लाभ स्थगितीचा
धाक फक्त सामान्यांना इथे कायद्याचा
वागणे न बिईंग ह्युमन मर्मभेद त्याचा

आम्हां नकळे न्याय ...

आम्हां नकळे न्याय न कळे निकाल ।
घटनेचें पिनल नकळे आम्हां ॥१॥

कायद्याची बोली नियमाचा भेद ।
वकिलांचा संवाद न कळे आम्हां ॥२॥

धन्य तो फर्लो आणिक पेरोल ।
नकळेची बेल क्लीनचिट ॥३॥

थोर गुंड नट नेते नि सधन ।
कायदा पालन त्यांना कोठे ॥४॥

"केश्या" म्हणे आता 'अर्थ' समजला।
कायदा अंधळा कशा पायी ॥५॥

न्याय तुला मिळणार ...

न्याय तुला मिळणार अम्हाला पूर्ण खातरी होती
भ्रष्ट व्यवस्था, धर्मावरती भिस्त केव्हढी होती !

घटनेच्या गर्भात उमगली पळवाटांची रीत
वकिलांची फौज जमवली नामी प्रस्थापित
विनापुरावा करतिल सुटका अशी जयांची ख्याती!

चिरडावे अन पळुन निघावे हेच तुम्हाला ठावं
बिइंग ह्युमन वरून म्हणावं हेच तुम्हाला ठावं
स्वार्थापायी विसरा तुम्ही माणुसकी अन नीती !

बुधवार, ६ मे, २०१५

दिल्लीच्या घरामंदी ...

दिल्लीच्या घरामंदी जादूचं पानी व्हातं
गुलाब, जाई, जुई, मोगरा फुलवीतं

'भाऊं'च्या झाडामंदी जादूचं जात पानी
वाढते दीडपट रान हे जोमानी
हसत डुलत मोत्याचं पीक येतं

सांगतो येक कामाचे ऐक
गुपित माझ्या शेतीचं

आयता युरीया, आयते नट्राईट
अमिनो मिथेनाईड देहात माज्या हाय
वाटंनं 'अघ्र्यम'च्या धावत मन जातं

गडनी, सजनी, गडनी सजनी गडनी ग

सांगतो 'भाऊ'राया मातीचं होत सोनं
लिटर पन्नास हे रोजच परीमाण
परसात पूर येतो, जादूचं पाणी व्हंतं

माय मराठी कशी विसरलो?...

माय मराठी कशी विसरलो?
नका विचारु मला !
आज मी पुरस्कार घेतला...

त्या चेकाची ऊब निराळी
नामोजींच्या मंजूळ ओळी
ज्ञानपिठाची रंगत-संगत,
फक्त जागलो तिला...

असे मराठी माझी आई,
देशीवादा कामी येई
परी इंग्रजी शिकवीत होतो,
असे जुना हा लळा...

जगा मराठी समजत नाही
तिथे इंग्रजी मदती येई
इतुके तुम्हा कसे कळेना,
कीव वाटते मला...

आज पप्पुला काय हे जाहले रे...

आज पप्पुला काय हे जाहले रे
तोंड उघडुनी लेकरु बोलले रे

असा लाजरा, बावरा, युवक असावा
म्हणे माउली लेक हा प्रमुख बनावा
असे आगळे चित्र हे रेखले रे

दोन महिने गुप्त असावे
रजा घेउनी धुंद फिरावे
थायलंड हे कामी या चांगले रे

गुपित समजले विपश्यनेचे
चिरंजीव जे मूक सदाचे
उभे राहुनी संसदी बोलले रे

कुणि जाल का, सांगाल का... जुगलबंदी

सध्या दिल्लीत सुरु असलेली आरोप प्रत्यारोपांची जुगलबंदी बघून आम्हला वसंतराव देशपांडेंनी गायलेलं " कुणि जाल का, सांगाल का" हे गाण का आठवलं काय माहित ...


कुणि जाल का, सांगाल का, कळवाल भुषण यादवा ?
रे माध्यमी जाऊ नका, काढू नका AAPला गळा

आधीच मोदीलाटही देशात होती चालली
परत मतदानास दिल्ली जात होती 'आप'ली
पुर्ण बहुमत देतील हा विश्वास होत वाटला
तेव्हाच प्रेफ्रन्सात मज तू तीसरा सांगितला

सांभाळुनी तेव्हा तुम्हाला मी तरीही घेतले
दिल्लीत होईल हार ऐसी तुम्ही उचलली पाउले
सांगाल का पक्षात याने लोकशाही वाढली?
सर्व समित्यातून तुमची म्हणून नावे काढली

.

.
कुणि जाल का, सांगाल का, सुनवाल का ह्या स्टॅलिना ?
खोट तरी बोलू नको, लाटू नको AAPला मळा

आधीच हरियाणातली मज हार आहे बोचली
परत दिल्लीच्या जयाने टीआरपी तव वाढली
आज पूर्वीचा तसा तो पक्ष नाही राहिला
आताच टीव्हीवर तुझा ड्रामा पुरा मी पाहिला

समजाउनी आम्ही तुला येथे किती सांगितले
एकाधिकाराच्या दिशेने पडली तुझी पण पाउले
सांगाल का त्या लोकपाला, मिटिंग कशी चालली
याचसाठी काय होती पार्टी "आप"ण काढली

विपश्यनेला चला, मुलांनो...

मूक राहुनी अक्कल येइल करू अशी प्रार्थना
विपश्यनेला चला, मुलांनो, विपश्यनेला चला
विपश्यनांति अध्यक्षम्‌, विपश्यनांति अध्यक्षम्‌

जेथे भाषण तेथे फजिती
वाट लावली माझीपुर्ती
दिशादिशांतुन मुलाखतीच्या दिसती पाउलखुणा

या मिडियाने सारी आपदा
तोंडी पडलो इथे कैकदा
मिडियापासून लपून बसता सौख्य मिळे जीवना

दिव्य दिव्य हा साक्षात्कार
जुनीच खोंडे छळतीफार
वारस पाहून नमस्कार हा रिवाज आहे जुना

झाली माध्यमि चर्चा बिलाची...

झाली माध्यमि चर्चा बिलाची
थाळी झाली उन्तीस रुपयांची

थाळी शाकाहारीच मी खाईन
कशी होईल बातमी पाहीन
असा चालन, असा उभा राहीन
चारचौघांत आहे सांगायची

आहे माझी हीच हतोटी
गूज छोटी हि दावीन मोठी
हसू खोटेच धरुन ओठी
दृष्ट लागल आपोजिशनची

सुट्टीला जातों मी ...

सुट्टीला जातों मी अज्ञातपुरा ।
देतो निज माते अर्ज युवराजेश्वरा ॥

चिंतन बहु थोर होत ।
मिळति न परि उपाय खचित ।
दिग्गी रमेश सर्व येत ।
बरखा निधी सकल जमत ।
न मिळे अशि मौज पुन्हा पाहण्या नरा ॥

शुक्रवार, २० फेब्रुवारी, २०१५

केजरीच्या झाडूनी...


केजरीच्या झाडूनी, आणि साध्या मफलरनी
दिल्लीमध्ये बाक माझा काढीला
दोष नगा लावू शा.मो. जोडीला !

नवी कोरी कुर्ती लाखमोलाची
भरली मी नक्षी नमोनामाची
बोलवला ओबामा, ओबामा ही भेटीला
दोष नगा लावू शा.मो. जोडीला !

जात होतो वाटंनं मी तोर्‍यात
अवचित आला झाडू फार्मात
आणि माझ्या लाटेचा फुगा त्यांनी फोडीला
दोष नगा लावू शा.मो. जोडीला !

गेम मी केली लई डोक्याची
बदलली व्यक्ती मी ही मोक्याची
स्केपगोट म्हणुनी मी, आणिले हो बेदीला
दोष नगा लावू शा.मो. जोडीला ! !

काय बाई सांगू ?...

काय बाई सांगू ?
कसं ग सांगू ?
मलाच माझी वाटे लाज
काही तरी होऊन गेलंय आज !

उगी निवडल मी हे 'फूल'
उगिच 'सीएम'ची पडली भूल
त्या रंगाचा, त्या चिन्हाचा
अंगावर मी ल्याले साज
काही तरी होऊन गेलंय आज !

जरी जुने हो आम्ही मेट
लढत राहिले त्याला थेट
'आय ए सी'ची पोर कशी मी
विसरुन गेले रीतरिवाज ?
काही तरी होऊन गेलंय आज !

अजब बोलले फसले मी
मलाच हरवुन बसले मी
लाट अनावर झाडूची ही
नाही चालला 'शाही' इलाज
काही तरी होऊन गेलंय आज !

बुधवार, ४ फेब्रुवारी, २०१५

शेवट थोडा बदलावा...

तुझी आठवण गाला वरती मिरवावी ?
नको जगाचा त्रास उगाचच...खोडावी !

बरेच झाले, आड मार्ग तो सापडला...
ती अंधारी -वाट कशाला चालावी?

कधीतरी येईल वाटते बाप तुझा...
या भीतीने भेट कशी मग रंगावी !

कोणी ही नसतात तिथे, जाऊ आपण...
जिथे पावले दाराशी ना थबकावी

रोज झोपतो भर दिवसा मी यासाठी...
दिवसा मज विश्रांती थोडी भेटावी

नको व्यर्थ ही धडपड आता शब्दांची...
तुला 'मुक्यां'ची भाषा केवळ समजावी...

या गोष्टीचा शेवट थोडा बदलावा...
चावट जरी ही कथा; सात्विक वाटावी !

एक धागा सुताचा, शंभर धागे मलमलचे...

एक धागा सुताचा, शंभर धागे मलमलचे
जरतारी हे वस्‍त्र घडवले तुझिया अडनावाचे

पांघरसी जरि असला कपडा
माध्यमांपुढे, पडसी उघडा
कपड्यांचे हे करिसी नाटक, तीन प्रवेशांचे

शाल केशरी विमानतळाची
'नामांकित' ती चहाचर्चेची
राष्ट्रपतीच्या घरी शेवटी, लेणे जोधपुरीचे

या वस्त्रांना शिवतो कोण ?
बिले तयांची भरतो कोण?
कुणा न कळले गुपित हे कधी प्रधान सेवकाचे

मंगळवार, २० जानेवारी, २०१५

नको मारूस हाक...

नको मारूस हाक
तुला केलाय ब्लॉक
भर ट्वीटरवर करिशी खुणा
करू नको पुन्हा हा गुन्हा

तू रे आणतोस चीड
नको निगेटीव्ह फिड
त्रास होतोय फॉलो जना

नको धरूस राग
जरा समजून वाग
तुझ्या मुळेच व्होटींग पुन्हा

लाख लोकांचे व्होट
नको सुचवुस नोट
धर आवरून आपल्या मना

द्वाड डिबेट्चा डाव
माझं जाईल नाव
तू ह्या खेळाचा पंटर जुना

शुक्रवार, १६ जानेवारी, २०१५

माझी कविता...

आमची प्रेरणा
https://www.facebook.com/groups/576341029120570/permalink/764278000326871/

माझी कविता
=========
काल शेवटी एकांनी धीर करून "गंडा" बांधायचा प्रयत्न केला.
बोलता बोलता म्हणाले, " ही तुमची कविता आहे".

पण मला राग आला नाही.
Because I cant punish the messanger".
माझ्या या कवितेची कथा कशी पसरली
याचे मी अंदाज बांधले होते, त्याला
पुष्टी देणारे दुवे मिळाले.

पण आता आपण एक करू या...
हा प्रकार लॉजिकल एण्ड्ला नेऊ या...

एक तर माझी कविता समजवुन सांगा
आणि माझ्याकडुन एक लक्ष रुपये घेऊन जा...
शिवाय पुढचे परिणाम स्वीकारायची माझी तयारी आहे...

नाही तर मला विडंबकाचे डोके ठेचायला मदत करा. ...प्लीज.

तोच गेम खेळायचा कंटाळ्ळा आल्लाय...



आमची प्रेरणा..
https://www.facebook.com/kavita.mahajan.5/posts/10200200067640185?pnref=story

तोच गेम खेळायचा कंटाळ्ळा आल्लाय
त्याच सोशलमिडीयावर
नवं हवं नवं हवं नवं हवं
नवं हवं सावज
सावध नसलेलं
मज्जा येते मारायला...

नव्वा हवा फोटो
डिपीला लावायला
नवी हव्वी आय्डी गुलाबी टकाटक
पण त्याच त्याच रंगाची टपकते लाळ
सगळ्यांचीच लाळ फेसाळ फ़ेसाळ

लाळ फेसाळ फ़ेसाळ
त्याच त्याच नात्यांचा कंट्टाळा आलाय्य
नवा हवा मित्र

तीच्तीच लाईक
तीच्तीच कॉमेन्ट
तेच्तेच चाट
तोच्तो भूतकाळ तोच्तसाच वर्तमान तेच्ते भविष्य अनिश्चित निश्चित
तेच्ते प्रश्न तोच्तो संभोग तीच्ती उत्तरं तीच्ती चळवळ

तीच्ती स्टेटसेस तीच्ती धमकी तेच्ते कावळे अतृप्त
तोचगेमखेळायचाकंटाळ्ळाआल्लायतोचगेमखेळायचाकंटाळ्ळा

शनिवार, १० जानेवारी, २०१५

तुम्हां नकळे ज्ञान न कळे पुराण...

तुम्हां नकळे ज्ञान न कळे पुराण ।
वेदाचें वचन नकळे तुम्हां ॥१॥

आगमाची आढी निगमाचा भेद ।
शास्‍त्रांचा प्रवाद न कळे तुम्हां ॥२॥

जेट अणुबॉम्ब प्लास्टिक सर्जन।
सगळेची ज्ञान ह ळ क्ष ज्ञ॥३॥

"केश्या" म्हणे ऐसा फेका रोज दावा ।
ठेवीन 'फेकोबा' नाम तुझें ॥४॥

शुक्रवार, ९ जानेवारी, २०१५

चला दोस्तहो 'मादकते'वर बोलू काही ...


जरा चुकीचे, जरा बरोबर बोलू काही !
चला दोस्तहो 'मादकते'वर बोलू काही !

उगाच वळसे शब्दांना हे देत रहा तू
नडले नाहीत कोणी तोवर बोलू काही

तुफान पाहुन स्टेटसवर मागितली माफी
पडदा टाका, नकाच ह्यावर बोलू काही

हवेहवेसे 'व्यंग' तुला जर हवेच होते
नकोनकोते भलते त्यावर बोलू काही

नैतिकतेची किती काळजी फेसबुकातुन
'लक्ष्यार्था'ला समजा नंतर बोलू काही

मित्र असू दे यादीमध्ये सपोर्ट म्हणुनी
देत 'पांगळी' लॉजिक भरभर बोलू काही

टीप: हे विडंबन संपूर्णपणे काल्पनिक असून कोणाला ह्यात फेसबुकवरील काही घटनांचा भास झाल्यास तो केवळ आणि निव्वळ योगायोग समजावा