नको मारूस हाक...

नको मारूस हाक
तुला केलाय ब्लॉक
भर ट्वीटरवर करिशी खुणा
करू नको पुन्हा हा गुन्हा

तू रे आणतोस चीड
नको निगेटीव्ह फिड
त्रास होतोय फॉलो जना

नको धरूस राग
जरा समजून वाग
तुझ्या मुळेच व्होटींग पुन्हा

लाख लोकांचे व्होट
नको सुचवुस नोट
धर आवरून आपल्या मना

द्वाड डिबेट्चा डाव
माझं जाईल नाव
तू ह्या खेळाचा पंटर जुना

माझी कविता...

आमची प्रेरणा
https://www.facebook.com/groups/576341029120570/permalink/764278000326871/

माझी कविता
=========
काल शेवटी एकांनी धीर करून "गंडा" बांधायचा प्रयत्न केला.
बोलता बोलता म्हणाले, " ही तुमची कविता आहे".

पण मला राग आला नाही.
Because I cant punish the messanger".
माझ्या या कवितेची कथा कशी पसरली
याचे मी अंदाज बांधले होते, त्याला
पुष्टी देणारे दुवे मिळाले.

पण आता आपण एक करू या...
हा प्रकार लॉजिकल एण्ड्ला नेऊ या...

एक तर माझी कविता समजवुन सांगा
आणि माझ्याकडुन एक लक्ष रुपये घेऊन जा...
शिवाय पुढचे परिणाम स्वीकारायची माझी तयारी आहे...

नाही तर मला विडंबकाचे डोके ठेचायला मदत करा. ...प्लीज.

तोच गेम खेळायचा कंटाळ्ळा आल्लाय...

आमची प्रेरणा..
https://www.facebook.com/kavita.mahajan.5/posts/10200200067640185?pnref=story

तोच गेम खेळायचा कंटाळ्ळा आल्लाय
त्याच सोशलमिडीयावर
नवं हवं नवं हवं नवं हवं
नवं हवं सावज
सावध नसलेलं
मज्जा येते मारायला...

नव्वा हवा फोटो
डिपीला लावायला
नवी हव्वी आय्डी गुलाबी टकाटक
पण त्याच त्याच रंगाची टपकते लाळ
सगळ्यांचीच लाळ फेसाळ फ़ेसाळ

लाळ फेसाळ फ़ेसाळ
त्याच त्याच नात्यांचा कंट्टाळा आलाय्य
नवा हवा मित्र

तीच्तीच लाईक
तीच्तीच कॉमेन्ट
तेच्तेच चाट
तोच्तो भूतकाळ तोच्तसाच वर्तमान तेच्ते भविष्य अनिश्चित निश्चित
तेच्ते प्रश्न तोच्तो संभोग तीच्ती उत्तरं तीच्ती चळवळ

तीच्ती स्टेटसेस तीच्ती धमकी तेच्ते कावळे अतृप्त
तोचगेमखेळायचाकंटाळ्ळाआल्लायतोचगेमखेळायचाकंटाळ्ळा

तुम्हां नकळे ज्ञान न कळे पुराण...

तुम्हां नकळे ज्ञान न कळे पुराण ।
वेदाचें वचन नकळे तुम्हां ॥१॥

आगमाची आढी निगमाचा भेद ।
शास्‍त्रांचा प्रवाद न कळे तुम्हां ॥२॥

जेट अणुबॉम्ब प्लास्टिक सर्जन।
सगळेची ज्ञान ह ळ क्ष ज्ञ॥३॥

"केश्या" म्हणे ऐसा फेका रोज दावा ।
ठेवीन 'फेकोबा' नाम तुझें ॥४॥

चला दोस्तहो 'मादकते'वर बोलू काही ...

जरा चुकीचे, जरा बरोबर बोलू काही !
चला दोस्तहो 'मादकते'वर बोलू काही !

उगाच वळसे शब्दांना हे देत रहा तू
नडले नाहीत कोणी तोवर बोलू काही

तुफान पाहुन स्टेटसवर मागितली माफी
पडदा टाका, नकाच ह्यावर बोलू काही

हवेहवेसे 'व्यंग' तुला जर हवेच होते
नकोनकोते भलते त्यावर बोलू काही

नैतिकतेची किती काळजी फेसबुकातुन
'लक्ष्यार्था'ला समजा नंतर बोलू काही

मित्र असू दे यादीमध्ये सपोर्ट म्हणुनी
देत 'पांगळी' लॉजिक भरभर बोलू काही

टीप: हे विडंबन संपूर्णपणे काल्पनिक असून कोणाला ह्यात फेसबुकवरील काही घटनांचा भास झाल्यास तो केवळ आणि निव्वळ योगायोग समजावा

येलेची डिग्री येलेची, डिग्रीही माझी येलेची...

आमची प्रेरणा ... तुम्हला सांगायला हवी का? ;)

येलेची डिग्री येलेची, डिग्रीही माझी येलेची
या डिग्रीचा कागद मोठा, डोळ फाडून आता का हो बघता?

बघा दिल्लीत कमळ फुललं, हो फुललं
बहु मतांनी हो रसरसलं, रसरसलं
मोदी द्वेषान किती जळता, डोळ फाडून आता का हो बघता?

साऱ्याच्यानेली गुऱ्हाळ भरलं, हो भरलं
तुमच्या हातात कोलीत घावलं, हो घावलं
माझ्या कशाला भावाला छळता, डोळ फाडून आता का हो बघता?

तुम्हा कशानं आली जाग?
ठाव हाय कोन ह्या माग
अर्थ बोलण्याचा भलताच लावता, डोळ फाडून आता का हो बघता?

कमळाशी हे जडले नाते धनुष्यबाणाचे...

कमळाशी हे जडले नाते धनुष्यबाणाचे
नि वाटप ठरले "खात्या"चे

मित्रांनी हे सहज उचलिले धनू स्वबळाचे
पूर्ण जाहले न जनकृपेने हेतु अंतरींचे
उभे ठाकलें भाग्य अल्पमत समोर कमळाचे

धुर्त घड्याळी दुरुन न्याहळी सैन्य धनुर्धारी
सपोर्ट देऊन दुबळी केली शिवशक्‍ति सारी
कळू लागलें सर्व हळुं हळू गुपित सत्तेचे

सभात्यागुनी निघता सेना संधी नामी ही
तडिताघातापरी भयंकर नाद 'हो'च होई
तांत्रिकतेने जिंकले बहुमत सदनि नादाचे

गोंधळात हे घडले सगळे, बावरले राजे
मुक्‍त हासतां, नागपुरी मनोमनीं लाजे
त्रस्त जाहले तात्त्विक लोचन क्षणांत संघाचे

हात जोडुनी म्हणे नृपति तो संघप्रमुखासी
"आजच करतो संपर्क मी नैसर्गिक मित्राशी "
आनंदाने खुलले डोळे सेना प्रमुखांचे

संघाज्ञानें उठति भरभर विजयमुग्ध सगळे
अधिर बोल ती, अधिर त्याहुनी सेनेचे बगळे
हपापले ते चरण गाठण्या मंदिर मलिद्याचे

वेशीवरती जसा भरावा ढोरांचा बाजार
तसा चालला 'वर्षा'महली 'खाते' व्यापार
पडद्यामागे मीलन झालें 'माया'-ब्रम्हाचे

झुकले थोडे ते हि, हे हि ठरला व्यवहार
टिव्हीवरती नेते करिती मैत्रीचा उच्चार
'बारा' हाती गाजर पडले मंत्रीमंडळाचे

लाज तत्त्व ही सोड, सर्व तू सत्तेच्या करता
फक्त येव्हढे कळले "केश्या" हे नाटक बघता
कमळाशीं हे जुळलें ऐसे धनुष्यबाणाचे