गुरूने दिला हा फुटीचा वसा
आम्ही चालवू हा पुढे वारसा
'पिताबंधु' तुम्ही, तुम्ही माउली
तुम्ही कल्पवृक्षातळी सावली
तुम्ही सूर्य आम्हा दिला कवडसा !
जिथे काल खंजिर पुलोदातले
तिथे आज वेलीवरी ही फुले
फलद्रुप हा वृक्ष व्हावा तसा !
शिकू कपटता, धुर्तता, स्वार्थता
धरू चोर विद्येसवे भ्रष्टता
मनी ध्यास हा 'मामु' लागो असा !
जरी पक्ष कोणी करू शासन
युती अघाड्यांचे करू पालन
जनी-मानसी हाच आहे ठसा !
तुझी कर्म सारी फळा ये अशी
तुझी कीर्ती राहील दाही दिशी
अगा धूर्तकपटी बुऱ्या माणसा !
