रात्रीस खेळ चाले...

रात्रीस खेळ चाले सरकार स्थापनेचा
समजेल ना कधीही हा खेळ बेरजांचा ..

'धनुबाण' ना स्वयंभू 'घडी' 'हात' जोडतो हा
सत्तेत हक्क अर्धा 'कमळा'स मागतो हा
ऱ्हासास होय साक्षी सैनिक 'सायबां'चा

आभास बातम्या हा.. नसतो खरा प्रकाश
जे सूत्र सांगती ते असती नितांत भास
फसतात बातम्यांना हा दोष वाचकांचा..

या लाजिर्‍या क्षणाला ना पाहवे दिठीत
धरणात मुतणारे कमळासवे मिठीत
अपमान चालला हा जनते तुझ्या मतांचा..