खेळ मांडीयेला निवडणुकिचाही ।
नाचती भक्तगण जाली रे ।
लाज स्वाभिमान गेला पावटणी ।
मतदारा लागतील पायीं रे ॥१॥
टोपीचंदनउटी नेत्यांच्या माळा
जानवं मिरविती गळां ।
ट्रोल सवंग होई पोस्ट वर्षाव ।
तारतम्य हीन सोंहळा रे ॥२॥
वर्णअभिमान आठवती जाती
एकमेकां लाथाळण्या देती ।
अन फेक वृत्तें जाल भरावीती ।
बेकारा रोजगार मिळती रे ॥३॥
होतो जयजयकार गर्जत अंबर
मातले हे भक्तगण दोन्ही रे ।
'केश्या' ह्मणे सोपा करा हा उपाय ।
बंद करा सोशल वावर रे ॥४॥
कोणत्याही टिप्पण्या नाहीत:
टिप्पणी पोस्ट करा