ध्यानाला जातों मी दक्षिणपुरा ...

ध्यानाला जातों मी दक्षिणपुरा ।
देतो निज समय पूर्णं कॅमेरेश्वरा ॥

उत्सव बहु थोर होत ।
मिळतील टीआरपी बहुत।
रुग्ण ,भक्त सर्व येत ।
नट नर्तक सकल जमत ।
न मिळे अशि मौज पुन्हा पाहण्या नरा ॥

-केशवसुमार

साहेबांची जागा

(सदानंद रेगे ह्यांच्यासाठी)
ऑफिसची
        पायपीट केली
तेव्हा कुठं
तुमची ती
खरोखरीच्या साहेबांची जागा 
        अस्फुटशी  दिसली.

तिच्या अलीकडली
तुमची
रंगीबेरंगी धाग्यांची 
साहेबांची सेक्रेटरी
मात्र कालत्रयी
नव्हती अजिबात अस्तित्वांत
(असं शिपाई  शांताराम  म्हणाला).

जाता जातां
कॅन्टिनमध्ये लंचला   
तरी
अशी थाप
        मारायला नको होती तुम्ही.
अहो, आम्ही
शोधायचं काय काय
कसं
        नि किती?