आमची प्रेरणा पुलस्ति यांची गझल ओल
अधी काय होते? अता काय केले?
बघा वाकुनी नीट मी काय केले
तसा दोष असतो सदाचाच माझा
तरी प्रश्न उरतो कुठे काय केले!
मला वेगळे खूप पर्याय होते
अता वाटते हाय मी काय केले!
जरा जास्त हा आज आवाज आला
तुम्हाला समजलेच मी काय केले!
मला श्रेय मिळते सदा हे बुर्याचे
असे नेमके मी अधी काय केले ?
तुझा चेहरा का असा आज झाला?
कळेना जगाला कुणी काय केले!
तुमानीस का ही तुझ्या ओल आहे?
विचारू नका "केशवा" काय केले!!
-- केशवसुमार
कोणत्याही टिप्पण्या नाहीत:
टिप्पणी पोस्ट करा