आमची प्रेरणा कुमार जावडेकरांची गझल ना उन्हाळा भोगला मी
मज उन्हाळा सोसतो ना फारसा...
भाजुनी झालोय मी बघ कोळसा...
'हात' अमचा नेहमीचा सोबती
सांग का ठेवू कुणावर भरवसा?
रोज मी गर्दीत येथे पाहतो
रेटतो माणूस येथे माणसा...
गाल का गेला सुजूनी आज हा?
हा कुणाच्या सांग हाताचा ठसा?
आयता अंधार सारा भोवती
चांदण्याचा हा कशाला कवडसा?
लोकहो, इतके तरी सांगा मला
"केशवा"ला मी इथे टाळू कसा?
-केशवसुमार, माकल्सफिल्ड
कोणत्याही टिप्पण्या नाहीत:
टिप्पणी पोस्ट करा