मिळत राहील्या "केश्या"ला ह्या अयत्या कविता

आमची प्रेरणा कविवर्य अनंत ढवळे यांची अप्रतिम गझल फुटत राहिल्या आयुष्याच्या बिलोर काचा

धूम्र वर्तुळे ओठांमधुनी निघत राहिली
विडी मागूनी विडी रात्रभर जळत राहिली

तसूभरी ही बघा तिचे रे वजन न घटले
ट्रेडमीलेवर घोडी नुसती डुलत राहिली

जुन्या चूकांची याद कशाला देता मजला
बनून पत्नी पुढे मला ती छळत राहिली

कुणा न दिसली घरामधली त्यांची चुळबुळ
पण खाटेची गाज दूरवर घुमत राहिली

मिळत राहील्या "केश्या"ला ह्या अयत्या कविता
दिवस रात्र मग विडंबने ही पडत राहिली.........

.....केशवसुमार