(पटतच नाही...)

आमची प्रेरणा अजब यांची सुंदर गझल पटतच नाही...

खरे तर मला तुझे लाजणे पटतच नाही
रोज तेच ते तुला विनवणे पटतच नाही...

मला भेटती कशी माणसे नको तिथे ही
अश्या ठिकाणी बघून हसणे पटतच नाही...

स्वप्ने पडती रोज मला ही नको नको ती
स्वप्न बघून ती गप्प राहणे पटतच नाही...

कसे तुम्हाला सांगू केले काहीच नाही
कुणासही पण माझे म्हणणे पटतच नाही...

रोज सांगते आज नको रे करू उद्याला...
रोज उद्याचे पुढे सरकणे पटतच नाही...

मला कळेना तुझे "केशवा" 'अजब' वागणे;
रोज विडंबन तुझे पाडणे पटतच नाही...

केशवसुमार