आमची प्रेरणा अदिती यांची गझल कशाला !
गटारा मधे सांग जाणे कशाला
तुझे रोजचे मग नहाणे कशाला
असे रोज जर दूर जाणे कराया
अधी येव्हढे सांग खाणे कशाला
तुझे नाव माहीत साऱ्या जगाला
उगा मीच घेऊ उखाणे कशाला
जरी त्रास आहे तुला घोरण्याचा
मला झोपण्याचे बहाणे कशाला
तुझे लागलेले मला वेड आहे
मला सांगती हे शहाणे कशाला
जरा लागली गाठ जेंव्हा सुटाया
दिसावी नको ती निशाणे कशाला
करी स्नान ना त्यास येईल बदबू
अता अत्तराचे उधाणे कशाला
तुला पाहिजे हॉर्स पावर इथे जर
शिळे आंबलेले फुटाणे कशाला
कुणालाच ना माहिती बाप त्यांचा
तुला सांगु त्यांचे घराणे कशाला
(लिही "केशवा" तू स्वतःच्या कलाने
कवींचे मला वक्र पहाणे कशाला)
मात्रांच्या संकटात सापडल्यामुळे अखेरच्या शेराला कात्री लावावी वाटले होते. पण तो इथे देण्याचा मोह आवरला नाही
कोणत्याही टिप्पण्‍या नाहीत:
टिप्पणी पोस्ट करा