आमची प्रेरणा मिलिंद फणसे यांची गझल शोध
मुक्ती पुरोहितांना प्रणवात सापडेना
युक्ती सराइतांना प्रणयात सापडेना
देणार त्रास नाही भवसागरात अवघ्या
ती बायको कुणाला जगतात सापडेना
तो वागतो जसा की कुत्रा पिसाटलेला
का खांब एकही या शहरात सापडेना
बाहूतली प्रियाही मज वाटते सुरा ही
आहे नशा तिची जी दारूत सापडेना
तोडांस वास भपकन, डोळ्यात तर्रवादळ
माझ्याहुनी पियक्कड वस्तीत सापडेना
'केश्या' कुठून सुचली ही अवदसा तुला रे
जागा लपायला मग गावत सापडेना
कोणत्याही टिप्पण्या नाहीत:
टिप्पणी पोस्ट करा