आमची प्रेरणा अजब यांची गझल आकाशीचा चंद्र
काही जुन्या मनोगतींचे (काल्पनिक) मनोगत
सध्याच्या या मनोगतावर मन माझे लागत नाही
प्रशासकाच्या काय मनी पण कोणा उमगत नाही...
काळ बदलला मनोगतचे स्वरूप बदलत गेले
जूने जाणते कोणी आता येथे लिहीत नाही...
अनोळखी ती सर्व माणसे तरी ही माझी अपुली
हाय! अताशा त्यांच्या वाचून मजला करमत नाही...
ह्या नात्याला नाव, गाव वा पत्ता ही लागत नाही
असाच राहो स्नेह मी दुसरे काही मागत नाही...
खूप ठरवले तरी ही मी परतून येईन येथे
दुसऱ्या संकेतस्थळी "केशवा" घरपण वाटत नाही...
केशवसुमार
कोणत्याही टिप्पण्‍या नाहीत:
टिप्पणी पोस्ट करा