आमची प्रेरणा आदितीताईंची कविता झाले गाणे...!
जमता सारे मित्र जुने मग झाले पिणे
स्मिता, रेखा आठवता मग झाले पिणे
मदिरेचे ब्रान्ड किती हे आले गेले
त्यांना ओळखण्या साठी मग झाले पिणे
पार पडल्या सत्र परीक्षा तेव्हा साऱ्या
आज लागता निकाल मग झाले पिणे
जेव्हा कळला 'मनोरमे'चा नवीन अड्डा
त्या जाता मधूशाळेला मग झाले पिणे
मंदिरामध्ये बसून घेता ओल्या रात्री
बोटांनी नैवेद्य शिंपडूनी मग झाले पिणे
ग्लासांनी ग्लासांना देऊन हलका धक्का
आरोळ्या अन किंकाळ्या मग झाले पिणे
खंब्बे तुटले, फुटला पेला, प्रत्येकाचा
ओंजळी मधूनी "केशवा"चे मग झाले पिणे
---केशवसुमार
(११.१.२००७)
कोणत्याही टिप्पण्या नाहीत:
टिप्पणी पोस्ट करा