आमची प्रेरणा पुलस्ति यांची "कुणाची बात"
ऋतू येत होते ऋतू जात होते
तरी गुंग मी रंग-ढंगात होते
उगा सांगता का कथा रावणाच्या
असे आजच्या ही जमान्यात होते
जरी खात लालू इथे 'घास' आहे
कशी रेलवे आज स्वस्तात होते?
रिकामीच मैफ़िल पहा जाहलेली
असे 'दर्द-गाणे' कुणी गात होते
मला आरसा आज कोठे मिळावा?
किती ओतले तेल केसात होते
जरा शांत आता, पहाटे निजू द्या
सुरू जंग रात्री अकस्मात होते!
अशी वेळ येता कुठे सांग जावे
न जाता फजीती समाजात होते
चढे षंढ गाडीत, त्याला भिडावे
इथे येव्हढे धैर्य कोणात होते!
शहाण्यात माला कुणी मोजले हो?
इथे सर्व वेडे अभिजात होते
अता "केशवा" रोजची बात आहे
विडंबन कसे हे झटक्यात होते
केशवसुमार..
कोणत्याही टिप्पण्या नाहीत:
टिप्पणी पोस्ट करा