तुमान लेका

आमची प्रेरणा पुलस्ति गझल वादळ-रेघा

काय करावे आता काही उमजत नाही
मला हवे "ते" तिला कसे पण समजत नाही

बुकलून गेले काल मला ते हात कुणाचे?
अवयव माझा कुठला की जो ठणकत नाही ?

गळवाचे दुखणे प्राणांतिक, सोसत नाही
मऊ गालिच्यावरती देखिल बसवत नाही

ओढुन बसली कमरेवरी तुमान लेका
नशीब माझे बसताना ती उसवत नाही

त्रास जगाला होतो साऱ्या विडंबनांचा
खंत तरी का तुला"केशवा" करवत नाही?

-- केशवसुमार.