आमची प्रेरणा कुमार जावडेकरांची सुरेख गझल जुळवून ठेव तारा
उघडू नकोस खिडकी येईल आत वारा
मी दार लावतो, तू अवरून घे पसारा...
सखया मिठीत घे ना लाजू नकोस आता
कोणी पहात नाही ओसाड हा किनारा!
दारात थांब थोडे जाऊन आत बघतो
माझ्या पितामहांचा चढलाय काय पारा
फुकटात जेवणाचा आहे मज़ा निराळा!
(भरले कधीच नाही मी बील का विचारा...)
बोलू नकोस काही खाशील मार आता
मुडद्या तुझा मला रे कळतोय हा इशारा!
सुचतील सहज ओळी, जुळतील गझल-गाणी
नाहीच "केशवा"च्या नशिबात हा नजारा!
- केशवसुमार, पुणे
कोणत्याही टिप्पण्या नाहीत:
टिप्पणी पोस्ट करा