आमची प्रेरणा कुमार जावडेकरांची सुरेख गझल आत्मसात
'हो-हो' खुले म्हणालो, 'ना-ना' मनात केले
आहे गुलाम मजला माझ्या घरात केले!
फसलो हसून आता येथे तिच्यापुढे मी
मी काम नोकराचे मग आत्मसात केले!
का लाज वाटते ना आता मला कशाची?
नाते तिचेनि माझे सर्वांस ज्ञात केले...!
सांगू कसे कुणाला चिंगूस मी किती ते
फुकटात केशकर्तन घरच्याघरात केले
छळलेस "केशवा" तू दिनरात ज्या कवींना
त्यांनीच काल शिमगे एकसुरात केले
- केशवसुमार
कोणत्याही टिप्पण्या नाहीत:
टिप्पणी पोस्ट करा