आमची प्रेरणा नीलहंस यांची सुरेख गझल शब्दांत प्राण आले
आता कुठे जरासे त्यांचे लिहून झाले
होते विडंबनाला मजला कुरण मिळाले
सोडू नकोस गझला, सोडू नकोस कविता
सगळ्या कविजनांचे गुत्ते मला कळाले
मी हा विडंबनाचा जेव्हा ठराव केला
जे जे प्रसिद्ध होते ते ते बघा गळाले
प्रतिसाद वाचताना तो आपसूक मेला
वा वाह बोलणारे मारेकरी निघाले
कंपूत गाढवांच्या ही एकजूट आहे
बघताच "केशवा"ला सगळे कुठे पळाले?
-केशवसुमार
कोणत्याही टिप्पण्या नाहीत:
टिप्पणी पोस्ट करा