जरी तिला मी

आमची प्रेरणा अजब यांची सुरेख गझल जरी तुला मी...

जरी तिला मी टेहाळूही शकलो नाही
काल स्वतःला सांभाळूही शकलो नाही...

तिला पाहता, मला न जमले, सर्व विसरणे
संयम हा पण मी पाळूही शकलो नाही...

तिच्याचसोबत, कुणा न कळता भेटत होतो
नंतर घडले ते टाळूही शकलो नाही...

तिला भेटण्यासाठी गेलो तिच्या अंगणी
तिच्या बापास हेटाळूही शकलो नाही...

तिला चुकून 'नाही' म्हटले इतके झाले
गाल स्वतःचे कुरवाळूही शकलो नाही...

लग्ना आधी सगळे केले असा न दावा
कधी तिला मी कवटाळूही शकलो नाही...

किती "केशवा" चावट मजकुर हा शेवटचा
सुचलेच असे ते टाळूही शकलो नाही...