आमची ही प्रेरणा - प्रदीप कुलकर्णी यांची गझल नाते.
डोके बिघडल्यासारखे !
मोडून पडल्यासारखे !
लोकापुढे हसू नको
कवळी पडल्यासारखे !
असना मधे आता मला -
`झाले जखडल्यासारखे !!`
गाऊ नको गाणे असे -
नरडे खरडल्यासारखे !
लाजणे अन माझे तुझे
चोरी पकडल्यासारखे !
का वाटले पडल्यावारी
पाय मोडल्यासारखे !
संपले यौवन तिचे...
वाया दवडल्यासारखे !
बटाट्यागत येथे मला
वाटे उकडल्यासारखे !
दिलास तू होकार हा...
नाके मुरडल्यासारखे !
टक्कल तुला आहे जरा
केसात दडल्यासारखे !
वागणे वरती तुझे...
काही न घडल्यासारखे !
घेतलेस माझे नाव तू
बघ रोज रडल्यासारखे !
बाप तुझा पण बोलतो..
माझेच अडल्यासारखे !
कपडे तुझे अन ओठही...
भलतेच घडल्यासारखे!
माझे-तिचे नाते जरा
नेहमी नडल्यासारखे !
हे विडंबन "केशवा"चे
बुंदी पाडल्यासारखे!!
कोणत्याही टिप्पण्या नाहीत:
टिप्पणी पोस्ट करा