आमची प्रेरणा डॉ. कैलास गायकवाड यांची गझल ' येत जा देवून थोडी कल्पना '
पाहुनी फोटो न येते कल्पना
भेटता उध्वस्त होशिल रे मना
ही वरु वा ती वरु की ती वरु?
केवढ्या माझ्या मनाच्या वल्गना
तीच ती मी पाहुनी कंटाळलो
पाचव्या गल्लीतली ती 'वंदना'
कालपावेतो जिला मी टाळले
आज झाला अन तिच्याशी सामना
'भावना' समजून गेलो भेटण्या
भेटल्या पण 'साधना','आराधना'
वाचणे पण वेदनाप्रद हे खरे !!
"केशवा"चे काव्य म्हणजे यातना
कोणत्याही टिप्पण्या नाहीत:
टिप्पणी पोस्ट करा