आमची प्रेरणा 'बेफिकीर' यांची गझल केवढे चालणे हे मजल दरमजल (http://www.manogat.com/node/19314) ..... आणि खोडसाळगुर्जींचे विडंबन कैकदा वाचली पण सुटेना पझल (http://www.manogat.com/node/19326) ...
केवढी मारली या कवींनी मजल...
रोजची एक बघ पाडती हे गझल
खूप थैमान त्यांनी जरी घातले
एकपण वाचण्यासारखी ना गझल
आज हे वृत्त आहे... उद्या वेगळे
पाडली ही गझल पाडली ती हझल
काय चेकाळल्यासारखे वाटते?
पाडले काव्य आहे किती बघ तरल
मी कितीदातरी खोड काढायचो
पण कुठे गझलपाडीत यांच्या बदल
रोज दुर्लक्ष केले तरी पाडल्या...
शेवटी आज मी घेतली मग दखल
बेफिकिर "केशवा" खरडणे ना बरे
चल अवर चल अवर लेखणी अवर चल
कोणत्याही टिप्पण्‍या नाहीत:
टिप्पणी पोस्ट करा